POKEA MSAMAHAA TOKA KWA MUNGU

POKEA MSAMAHAA TOKA KWA MUNGU

Swali: "Nina wezaje kupokea msamaha wa dhambi toka kwa Mungu?"

Jibu: Matendo 13:38 yasema, “Basi naijulikane kwenu, ndugu zangu ya kuwa kwa huyo mnahubiriwa msamaha wa dhambi.”

Msamaha ni nini na kwanini ninauhitaji?

Neno “samehe” linamaanisha kusafisha nia au jambo nakulifanya kutokuwa na mawaa yoyote, ku achilia, kufutilia mbali deni. Tunapo kosea mtu, huuliza msamaha wao ili tukarudishe uhusiano. Msamaha haupeanwi kwa sababu mtu anastahili kusamehewa. Hakuna anaye stahili kusamehewa. Msamaha ni ishara ya upendo, huruma na neema. Msamaha ni uamuzi wa kutoshikilia jambo ndani yako kinyume cha mtu mwengine, haijalishi amekukosea kiasi gani.

Bibilia inatuambia yakwamba sote tunahitaji msamaha toka kwa Mungu. Sote tumefanya dhambi. Mhubiri 7:20 asema, “Bila shaka hakuna mwanadamu mwenye haki hapa duniani, ambaye afanya mema, asifanye dhambi.” 1Yohana 1:8 asema, “Tukisema kwamba hatuna dhambi, twajidanganya wenyewe, wala kweli haimo mwetu.” Dhambi zote ni kitendo cha uasi kinyume chake Mungu (Zaburi 51:4). Basi kwa hivyo, tunahitaji kwa vyovyote msamaha wake Mungu. Kama dhambi zetu hazitasamehewa, tutakuwa katika adhabu ya milele tukiteseka kwa ajili ya madhara ya dhambi zetu (Mathayo 25:46;Yohana 3:36).

Msamaha-Je, ni upate vipi?

Kwa shukurani, Mungu ni mwenye upendo na huruma-mwenye ari ya kutusamehe dhambi zetu! 2Petro 3:9 asema, “Yeye hutuvumilia maana hapendi mtu ye yote apotee, bali wote wafikilie toba.” Mungu anatamani kutusamehe, kwa hivyo alitoa kwa ajili ya msamaha wetu.

Adhabu ya haki pekee inayostahili kwa ajili ya dhambi zetu ni mauti. Sehemu ya kwanza ya kitabu cha Warumi 6:23 yasema, “Kwa maana mshahara wa dhambi ni mauti…..” Mauti ya milele ndiyo ndiyo tuliyopokea kama mshahara wa dhambi zetu. Mungu, kwa mpango wake mahususi, alifanyika kuwa mwanadamu - Yesu Kristo (Yohana 1:1, 14). Yesu alikufa juu ya msalaba kwa kuchukua adhabu tuliyo stahili-mauti. 2Wakorintho 5:21 inatufundisha, “Yeye asiyejua dhambi alimfanya kuwa dhambi kwa ajili yetu, ili sisi tupate kuwa haki ya Mungu katika yeye. “Yesu alikufa msalabani, akichukua adhabu tuliyo stahili!Kama Mungu, kifo chake Yesu kilitoa msamaha wa dhambi kwa ulimwengu mzima. 1Yohana 2:2 asema, “Naye ndiye kipatanisho kwa dhambi zetu; wala si kwa dhambi zetu tu, bali na kwa dhambi za ulimwengu wote. “Yesu alifufuka katika wafu, akishuhudia ushindi juu ya dhambi na mauti (1Wakorintho 15:1-28). Mungu apewe sifa kwa kupitia kifo na kufufuka kwake Yesu Kristo, Sehemu yote ya pili ya kitabu cha Warumi 6:23 ni kweli, “…bali karama ya Mungu ni uzima wa milele katika Kristo Yesu Bwana wetu.”

Je, ungetaka dhambi zako zisamehewe? Je, uko na hisia za kuudhi za kila mara zinazo kuhukumu na kuonekana kuwa ngumu ku epukika?Msamaha wa dhambi zako upo ikiwa utamwamini Yesu Kristo kama mwokozi wa maisha yako. Waefeso1:7 yasema, “katika yeye huyo, kwa damu yake, tunao ukombozi wetu, msamaha wa dhambi, sawasawa na wingi wa neema yake.” Yesu alitulipia deni ili tukapate kusamehewa. Unacho stahili ni kumuuliza Mungu akusamehe kupitia kwake Yesu, ukiamini yakwamba Yesu alikufa ili upate msamaha-naye atakusamehe! Yohana 3:16-17 ina habari hii ya ajab, “Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uzima wa milele. Maana Mungu hakumtuma Mwana ulimwenguni ili auhukumu ulimwengu, bali ulimwengu uokolewe katika yeye.”

Msamaha-Je, ni jambo lililo rahisi?

Ndio, ni rahisi! Huwezi kupata msamaha toka kwa Mungu. Huwezi kulipia msamaha wako toka kwa Mungu. Unaweza ku upokea tu, kwa imani, kupitia neema na huruma za Mungu. Kama unataka kumkubali Yesu Kristo kama mwokozi wako na kupokea msamaha toka kwa Mungu, hapa kuna ombi unalo weza kuomba. Kwa kusema ombi hili au ombi lengine lolote lile haiwezi kukuokoa. Ni kwa kumwamini Yesu Kristo pekee ndiko kutaleta msamaha wa dhambi. Ombi hili ni njia ya kumwelezea Mungu imani yako kwake na kwa kumshukuru kwa kukupea msamaha. “Mungu, najua ya kwamba nimefanya dhambi kinyume chako na ninastahili adhabu. Lakini Yesu Kristo akaichukua adhabu niliyo stahili ili kwa kumwamini yeye nipate kusamehewa. Ninaziacha dhambi zangu na nina weak imani yangu kwako ili niokolewe. Ahsante kwa neema yako kuu/ya ajabu na kwa msamaha! Amina.”

Je, umefanya uamuzi kwa Kristo kwa kile ulicho soma hapa? kama ndiyo, tafadhali bonyeza kwa “Nime mkubali Kristo hivi leo” hapo chini.

BWANA YESU HUFANYA NJIA PASIPO NA NJIA

BWANA YESU HUFANYA NJIA PASIPO NA NJIA

**MUNGU HUFANYA NJIA PASIPO NA NJIA***

Wakati fulani tunakutana na majaribu, matatizo, shida na vikwazo kiasi cha kudhani hakuna njia nyingine ya kutuwezesha kusonga mbele. Leo naomba nikukumbushe kuwa Mungu hufanya njia na kuleta suluhisho wakati ambapo huonekana kama hakuna kabisa njia au suluhisho. Mungu siku zote huleta utatuzi kwa tatizo lolote tunalokutananalo na kufanya mlango kwa jaribu lolote linalotupata kwa kuridhia kwake (1 Wakorintho 10:13; Mwanzo 22:9-14)

Usiambiwe kitu fulani hakiwezekani ukaamini, kwani siku zote ipo njia. Huwezi kushindwa usipokata tamaa. Jiamini, chukua hatua na usikate tamaa katika kutafuta utatuzi wa tatizo, shida au hali yoyote inayokusumbua katika maisha yako kwani kila muda, kila hali, kila tukio na kila jambo huleta uwezekano na fursa ya kufanya kitu kitakachokuwezesha kusonga mbele na kuleta mabadiliko katika maisha yako.

Kataa kukwamishwa au kuyumbishwa na matatizo na vikwazo toka kwa mwovu shetani ambaye tunashindana naye kila siku na badala yake mwombe Mungu akujaze ufahamu na hekima za Kiroho ili uweze kuzijua na kuzifuata njia zake; (Kutoka 33:13; Zaburi 86:11) Naye atakuonyesha njia na asipokuonyesha atakuwezesha kuifanya njia, kuvivuka vikwazo na kuzishinda changamoto unazokutana nazo.

Katika Jina la Yesu Kristo ninakuombea mafanikio katika hili

SIFA ZA UPENDO WA KIUNGU (AGAPE)

SIFA ZA UPENDO WA KIUNGU (AGAPE)

BWANA YESU Asifiwe ndugu msomaji, leo tupitie somo kuhusu Upendo wa Kiungu (AGAPE) na sifa zake. 2WAKORINTHO 13:1-13.

Upendo wa Kiungu ni hali ya kupenda mtu bila kujali mtu huyo alivyo au ana sifa gani.
*Mtu aliye na Upendo huu huchukuliana na kila mtu pasipo kujali tabia yake au sifa zake.
*Mtu aliyeokoka na kujazwa Roho Mtakatifu anao Upendo huu.
*Upendo ni Sifa na Amri kuu ya mtu aliyeokoka.
*Huu ni Upendo wa kipekee tofauti na Upendo wa kidunia tunaoufahamu ambao mtu hupendwa kutokana na jinsi alivyo, pesa zake,mali zake, umaarufu wake, cheo chake, n.k. Upendo huu ni zaidi ya hapo.
- Tukumbuke kuwa sisi sote tulikuwa wenye dhambi na wenye uchafu wa kila aina lakini Upendo huu Alionao Mungu Baba, haukujali hayo yote tuliyokuwa nayo, bali Yeye Alilipa gharama ya kumtoa Mwanawe wa Pekee, Yesu Kristo, Mungu Mtakatifu, Akajitoa sadaka kwa ajili Yetu wenye dhambi. YOHANA 3:16
- Hii inatufundisha jambo la kipekee sisi tuliopokea Upendo huo, basi nasi tuudhihirishe kwa wale wasiomjua Kristo, ili wavutwe waokoke.

SIFA ZA UPENDO WA KIUNGU (AGAPE)
*Upendo huvumilia
*Hufadhili
*Hauhusudu
*Hautakabari
*Haujivuni
*Haukosi kuwa na adabu
*Hautafuti mambo yake
*Hauoni uchungu
*Hauhesabu mabaya
*Haufurahii udhalimu
*Hufurahi pamoja na kweli
*Huvumilia yote
*Huamini yote
*Hutumaini yote
*Hustahimili yote
*Haupungui neno wakati wowote

>Hizi ni sifa za kipekee ambazo twahitaji kumwomba Roho Mtakatifu Atuwezeshe kuwa nazo ili tuweze kufika Mbinguni.

1PETRO 4:8 'Zaidi ya yote iweni na juhudi nyingi katika kupendana; kwa sababu upendano husitiri wingi wa dhambi'

MUNGU AKUBARIKI SANA!

UPAKO NA NGUVU ZA DAUDI KUMUUWA SIMBA

UPAKO NA NGUVU ZA DAUDI KUMUUWA SIMBA

***SIRI YA NGUVU ZA DAUDI***



Daudi alikuwa mdogo kati ya wana nane, wa mwisho, mdogo, aliyechukuliwa kama hana umuhimu, aliyekuwa akifanya kazi isiyo na umuhimu, kazi isiyoheshimika, kazi isiyopendwa na kaka zake wote; kazi ya kuchunga kondoo.

Hapa somo ni kuwa, Mungu huwa haangalii sana kitu tunachofanya kama jinsi tunavyokifanya hicho kitu. Sisi wote tuna kitu cha kuchunga, na kila mmoja ana wajibu kwa kitu fulani.

Mungu anatutazama: jinsi unavyotunza nyumba au chumba chako, jinsi unavyofanya kazi au biashara zako, jinsi unavyowatreat rafiki zako, ndugu zako na wazazi wako, jinsi unavyoenenda ukiwa mbali na familia yako au mbali na wazazi wako . Je unadanganya? Je unawaambia watu ukweli au unawaambia kile wanachotaka kusikia ili wakuruhusu kufanya kile unachotaka kufanya? Je ni mangapi unayoyasema unamaanisha?

Wakati wa kuinuliwa kwa Daudi, walijua mahali hasa alipokuwepo na nini alikuwa anafanya kwa uaminifu, uhakika na kwa kujituma.

Angalia jinsi mtazamo wa Mungu ulivyotofauti na mtazamo wa mwanadamu; mtu aliyechukuliwa kuwa hana umuhimu sasa ni muhimu miongoni mwao. (1 Samweli 16:7)

Hawakumfikiria, hawakuwa na wazo juu ya Daudi, lakini sasa wakasimama juu wakisubiri kuja kwake. “Basi Samweli akamwambia Yese, Tuma watu, wamlete; kwa sababu hatutaketi hata atakapokuja” (1 Samweli 16:11)

Kumbuka; mtu nainua na kukuza vipaji, uwezo na kadhalika, lakini Mungu anainua na kukuza utu wa mtu. Ninasoma mara nyingi ‘post’ na ‘status’ za rafiki zangu kuwa wameketishwa na wakuu.....Mithali 18:16 imeandikwa “ Zawadi ya mtu humpatia nafasi; Humleta mbele ya watu wakuu.”

Leo naomba niwaambie kuwa; zawadi yako inaweza kukuleta mbele ya watu wakuu, lakini ni utu ambao utakuwezesha wewe kuendelea kukaa au kuketi huko. MUNGU ANAANGALIA UTU... Zawadi ya Yusufu ilimleta mbele ya Farao, lakini ni utu wake uliomfanya kuwa Waziri Mkuu wa Misri.

Mungu akamwambia Samweli; nimejipatia mfalme katika wana wa Yese (1 Samweli 16:1)
Kwa mwanadamu kumpata mtu huja baada ya kumtazama, kumwangalia, kumwona, kumkagua, kumchunguza, kumpeleleza, kumfikiria, kupendezwa naye na kuamua. Tena wengi tunapomtazama mtu tunaangalia na sura. Lakini MUNGU HAANGALII SURA WALA UMBILE...MUNGU HUTAZAMA MOYO... Katika 1 Samweli 16:7 tunasoma “Usimtazame uso wake, wala urefu wa kimo chake; kwa maana mimi nimemkataa.”

Kimsingi hapa Mungu anasema; “Nimekuwa nikiwaangalia wana Yese, na nimekuwa nikiwachunguza na kujifunza jinsi wanavyofikiri na jinsi wanavyoenenda, na jinsi walivyo wakati hakuna mtu anayewatazama, na nimemchagua mmoja wao kuniwakilisha mimi.”

Ubora sio tukio la mara moja. Je tunapomwona Daudi akimuua Goriati tunafikiri kwamba hapo ndipo alipokuwa bora? Kuwa bora sio kufanya jambo kubwa vizuri; kuwa bora ni kufanya kila kitu kidogo vizuri.

Ubora wa kweli hauonekani katika mambo makubwa tunayoyafanya, bali katika mambo madogo madogo tunayoyafanya vizuri.

Watu bora hufanya kwa mfululizo kile kitu ambacho wengine hufanya mara mojamoja tu.

Taji haimfanyi mtu kuwa mfalme, bali hubainisha tu ufalme wa mtu.

“Ondoka, umtie mafuta; maana huyu ndiye (1 Samweli 16:12) na roho ya Bwana ikamjilia Daudi kwa nguvu tangu siku ile.” (1 Samweli 16:13)

Sasa tunaona SIRI YA NGUVU ZA DAUDI

Kwanza; Alikuwa na Utu
Utu ni kile tunachojisemea kutuhusu sisi wenyewe, na kile tunachoruhusu wengine kukiona juu yetu, Utu ni vile tulivyo wakati hakuna mtu anatuangalia.

Pili; Alikuwa na Upako wa Roho Mtakatifu.
Mungu anatafuta Madaudi na Majoshua awape upako kwa Roho wake Mtakatifu
Je, utakuwa mmoja wao? Daudi alikuwa mdogo wa nane, Alikuwa namba 8 ambayo kwa mwendelezo ni namba ya mwanzo mpya. Mungu anataka kufanya jambo jipya...

Tatu; Daudi Aliheshimu Ahadi.
Katika 1 Samweli 17:26 tunasoma “Je Mfilisti huyu asiyetahiriwa ni nani hata awatukane majeshi ya Mungu aliye hai? Halafu mbele pale mstari wa 37 “Daudi akasema, Bwana aliyeniokoa na makucha ya simba, na makucha ya dubu, ataniokoa na mkono wa Mfilisti huyu.

Alikuwa ni huyuhuyu David mdogo, mchunga kondoo, mapakwa mafuta wa Roho Mtakatifu aliyewaua simba na dubu, ambaye alikuwa mbeba silaha wa Sauli, ambaye alipiga kwa ustadi kinubi na alimfukuza roho mchafu mbali na Sauli, ambaye alisimama peke yake dhidi ya Mfilisti bingwa akamwua kwa kombeo na jiwe, na kukata kichwa chake kwa upanga wake mwenyewe, na kulitoa taifa kutoka mikononi mwa adui.

Lakini Daudi alishakufa na kwenda, kilichobaki ni rekodi za maisha yake na katika rekodi za maisha yake tunaona SIRI YA NGUVU ZAKE.

Utu huanza na uamuzi wa kufanya maamuzi yanayompa utukufu Mungu katika maisha.

Je, mtazamo wako unampa Mungu utukufu? Je, mawazo yako yanampa Mungu utukufu? Je, mambo unayo yasikiliza na kuyaangalia yanampa Mungu utukufu? Je, uhusiano wako na mke, mpenzi au mchumba wako unampa Mungu utukufu?

Utu ni sehemu yetu, upako ni kazi ya Mungu.
Hebu kuwa kama Daudi na kumpa Mungu kitu cha kutia upako.

Kuna Goriati na baadhi ya simba na dubu ambao wanatakiwa kuuwawa leo, na Wewe ni chaguo la Mungu kwa ajili ya kazi hiyo na kwa upako wa Mungu juu ya maisha yako unaweza kumwangusha chini.

Jifunze kwa Daudi leo na Mungu atakuwa nawe siku zote!